ابن شہاب رحمہ اللہ بیان کرتے ہیں، عمر بن عبد العزیز رحمہ اللہ نے اپنے دور خلافت میں میری طرف قاصد بھیجا اور کہا: میرے پاس سعید بن خالد بن عمرو بن عثمان آئے اور کہا، اے امیر المومنین مجھے چرا گاہ الاٹ کیجیے، مجھ تک رسول اللہ صلی اللہ علیہ وسلم کا یہ فرمان پہنچا ہے، آپ نے فرمایا: ”جو شخص میوے دار درخت لگائے اللہ تعالٰی اس کو اس درخت کے میوے اور پھل کے برابر اجر و ثواب عطا فرماتے ہیں۔“ اور انہوں نے مجھ سے تاکید کے ساتھ پوچھا: کیا آپ نے یہ حدیث سنی؟ تو میں کہا: ہاں! اور میں گواہی دیتا ہوں عطاء بن یزید پر انہوں نے اس حدیث کو ابو ایوب رضی اللہ عنہ سے سنا، وہ رسول اللہ صلی اللہ علیہ وسلم سے بیان فرماتے ہیں۔ [مسند عمر بن عبد العزيز/عمر بن عبد العزيز عن سعيد بن خالد/حدیث: 67]