جناب عروہ بن زبیر، سیدنا ابوہریرہ رضی اللہ عنہ سے روایت کرتے ہیں، ان کا بیان ہے کہ ”ہم لوگ رسول اللہ صلی اللہ علیہ وسلم کے ساتھ نجد کی جانب نکلے، یہاں تک کہ جب ہم مقام نخل کے ذات الرقاع میں پہنچے تو بنو غطفان کی ایک جماعت سے مڈبھیڑ ہو گئی“ اور مذکورہ روایت کے ہم معنی بیان کیا، اس کے الفاظ حیوہ کے الفاظ سے مختلف ہیں، اس میں کہا: ”جب آپ نے اپنے ساتھ والوں کے ساتھ رکوع اور سجدہ کیا اور کھڑے ہوئے تو یہ لوگ الٹے پاؤں چلتے ہوئے اپنے ساتھیوں کی جگہ جا کھڑے ہوئے“ اور قبلے کی طرف پشت کرنے کا ذکر نہیں کیا۔ [سنن ابي داود/كتاب صلاة السفر/حدیث: 1241]