سیدنا ابن عباس رضی اللہ عنہما بیان کرتے ہیں کہ میں نے اپنی خالہ میمونہ رضی اللہ عنہا کے ہاں رات گزاری، رسول اللہ صلی اللہ علیہ وسلم تشریف لائے جبکہ رات ہو چکی تھی، آپ صلی اللہ علیہ وسلم نے پوچھا: ”کیا لڑکے نے نماز پڑھ لی ہے؟“ انہوں نے کہا: ”ہاں۔“ چنانچہ آپ صلی اللہ علیہ وسلم بھی لیٹ گئے حتیٰ کہ جب رات کا کچھ حصہ گزر گیا جو اللہ نے چاہا تو آپ صلی اللہ علیہ وسلم اٹھے اور وضو کیا۔ پھر آپ صلی اللہ علیہ وسلم نے سات یا پانچ رکعات پڑھیں اور انہیں وتر بنایا اور ان رکعات میں آپ صلی اللہ علیہ وسلم نے (درمیان میں) کوئی تشہد نہیں کیا۔ [سنن ابي داود/أبواب قيام الليل /حدیث: 1356]