نماز کے بعد انگلیوں کو اذکار کی گنتی کے لیے استعمال کرنا چاہیے
حدیث نبوی ہے کہ
«اعقدن بالأنامل فإنهن مسئولات مستنطقات»
”انگلیوں کے ساتھ (تسبیح وتحمید کی) گنتی کرو بلاشبہ ان سے سوال کیا جائے گا اور انہیں (روز قیامت) بلوایا جائے گا۔“
[حسن: صحيح أبو داود: 1329، ترمذي: 3583، كتاب الدعوات: باب فى فضل التسبيح والتهليل والتقديس، أبو داود: 1501، ابن أبى شيبة: 289/10، طبراني كبير: 181، حاكم: 547/1، أحمد: 380/6، ابن حبان: 842]

ایک روایت میں ہے کہ
«بعقد التسبيح بيمينه»
آپ صلی اللہ علیہ وسلم اپنے دائیں ہاتھ کے ساتھ «سبحن الله» کی گنتی کرتے تھے۔“
[صحيح: صحيح أبو داود: 1330، كتاب الصلاة باب التسبيح بالحصى، أبو داود: 1502، ترمذي: 3411، نسائي: 79/3، حاكم: 547/1]

(ابن بازؒ) تسبی کو چھوڑ دینا ہی بہتر ہے اور بعض اہل علم نے اسے ناپسند کیا ہے اور افضل یہی ہے کہ انگلیوں کے ساتھ تسبیح پڑھی جائے جیسا کہ نبی صلی اللہ علیہ وسلم کیا کرتے تھے۔ [الفتاوى: 76/1]

اردو حاشیہ:
روز قیامت جسم کے اعضاء بلوائے جائیں گے۔ اور شہادت دیں گے جیسا کہ قرآن مجید میں ہے۔
﴿ٱلْيَوْمَ نَخْتِمُ عَلَىٰٓ أَفْوَٰهِهِمْ وَتُكَلِّمُنَآ أَيْدِيهِمْ وَتَشْهَدُ أَرْجُلُهُم بِمَا كَانُوا۟ يَكْسِبُونَ﴾ [سورۃ یٰسین 36:65]
”آج ہم ان کے مونہوں پر مہر کر دیں گے۔ اور ان کے ہاتھ ہم سے بات کریں گے۔ اور ان کے پاؤں ان کے کیے کی گواہی دیں گے۔“
اور سورۃ النور میں ہے۔
﴿يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ﴾ [النور: 24]
”اس دن ان کی زبانیں، ان کے ہاتھ اور ان کے پاؤں ان کے خلاف گواہی دیں گے جو یہ عمل کرتے رہے۔“