محمد بن صباح بزاز «حدثنا ابن المبارك، عن يونس، عن الزهري» کی سند سے اس کے ہم معنی مروی ہے اور اس میں اضافہ ہے کہ: ”اور جب آپ صلی اللہ علیہ وسلم حالت جنابت میں ہوتے ہوئے کچھ کھانا چاہتے تو اپنے ہاتھ دھو لیتے۔“ امام ابوداؤد رحمہ اللہ کہتے ہیں کہ ابن وہب نے بواسطہ یونس اس کو روایت کیا تو کھانے کے قصے کو ان کا قول بنا دیا یعنی سیدہ عائشہ رضی اللہ عنہا پر موقوفاً روایت کیا ہے، جبکہ صالح بن ابی الاخضر بواسطہ زہری وہی بیان کرتا ہے جو ابن مبارک نے کہا (یعنی نیند اور کھانے دونوں کا ذکر کیا) مگر اس سند میں شک ہے کہ سیدہ عائشہ رضی اللہ عنہا سے روایت لینے والا عروہ ہے یا ابی سلمہ، اور اوزاعی نے بواسطہ «يونس، عن الزهري، عن النبي صلی اللہ علیہ وسلم » اسی طرح روایت کیا ہے جیسے کہ ابن مبارک نے۔ [سنن ابي داود/كتاب الطهارة/حدیث: 223]