فوائد ومسائل:
1۔
شہد اللہ تعالیٰ کی عظیم جامع نعمتوں میں سے ہے۔
اور بے شمار بیماریون کا تریاق ہے۔
ارشاد باری تعالیٰ ہے۔
 (فِيهِ شِفَاءٌ لِّلنَّاسِ) (النحل۔
69) اس میں لوگوں کے لئے شفاء ہے۔

2۔
کسی بھی حلال چیز کو اپنے لئے حرام قرار دے لینا نبی کریم صلی اللہ علیہ وسلم کے لئے بھی جائز نہ تھا۔

3۔
مذکورہ بالا اور اس قسم کے دیگر واقعات میں ازواج نبی صلی اللہ علیہ وسلم کی آپس میں کشاکش اس بات کی تصریح ہے کہ وہ اس دنیا کی مخلوق تھیں۔
معاشرتی زندگی کے حوالے سے ان کے جزبات فطری تھے۔
وہ معصوم عن الخطا نہ تھیں۔
مگر اللہ عزوجل نے انہیں نبی کریم صلی اللہ علیہ وسلم کی دل ب بستگی اور اشاعت دین کےلئے منتخب فرمایا لیا تھا۔
ان میں سے ہر ایک کی یہ پُرزور تمنا اور انتہائی کوشش ہوتی تھی کہ جس طرح بھی بن پائے وہ محمد رسول اللہ صلی اللہ علیہ وسلم کی الفت ومحبت اور التفات کا زیادہ سے زیادہ حصہ وصول کرلے۔
اور یہ عین ایمان بھی ہے، اس صورت حال میں اس انداز کے معمولی جھول نظرانداز کردینے کے لائق تھے۔
اور ہیں۔
جہاں ضروری سمجھا گیا، تنبیہ بھی کی گئی ان ازواج مطہرات کا جو قلبی وقالبی ربط وضبط رسول اللہ صلی اللہ علیہ وسلم کے ساتھ تھا۔
اس کی بنا پر اللہ تعالیٰ نے انھیں مخاطب کرکے فرمایا (يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ ۚ) (الأحزاب۔
32) اے نبی صلی اللہ علیہ وسلم ! کی بیویوں تم عام عورتوں کیطرح نہیں ہو۔
اور نبی کریم صلی اللہ علیہ وسلم سے فرمایا۔
(لَّا يَحِلُّ لَكَ النِّسَاءُ مِن بَعْدُ وَلَا أَن تَبَدَّلَ بِهِنَّ مِنْ أَزْوَاجٍ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ) (الأحزاب:52) اے نبی صلی اللہ علیہ وسلم !آپ کے لئے ان بیویوں کے بعد اور کوئی عورت حلال نہیں۔
اور نہ آپ صلی اللہ علیہ وسلم ان کے بدلے کوئی او رلا سکتے ہیں۔
خواہ ان کا حسن آپ کو کتنا ہی پسند کیوں نہ آئے۔
ہاں لونڈیاں جائز ہیں۔
انہی فضائل کی بنا پر یہ امت کی مایئں قرار دی گیئں ہیں۔
  (رضی اللہ تعالیٰ عنھن و أرضاھن)