سیدنا لقیط بن صبرہ رضی اللہ عنہ نے بیان کیا کہ بنی منتفق کا وفد جو رسول اللہ صلی اللہ علیہ وسلم کی خدمت میں آیا تھا، میں اس میں شریک تھا اور حدیث بیان کی، نبی کریم صلی اللہ علیہ وسلم نے فرمایا: ”یہ ”مت سمجھنا“ (کہ یہ بکری ہم نے تمہاری خاطر ذبح کی ہے)“ اور حدیث بیان کی۔ اور نبی کریم صلی اللہ علیہ وسلم نے «لَا تَحْسِبَنَّ» (”سین“ کی زیر سے) فرمایا، (زبر کے ساتھ) «لَا تَحْسَبَنَّ» نہیں فرمایا تھا۔ [سنن ابي داود/كتاب الحروف والقراءات /حدیث: 3973]