فوائد ومسائل:
آج کل کے بعض جدید مفکرین اور بزعمِ خویش نویس مزاج مجددین کو ان احادیث اور صغر سنی (چھوٹی عمر) کے اس نکاح اور شادی پر بہت اعتراض ہے۔
وہ مختلف انداز سے اس کا انکار کرتے ہیں حالانکہ اس انکار کی کوئی حقیقی وجہ نہیں ہے۔
ان لوگوں کو چاہیئے کہ طبی، معاشرتی، علاقائی، اور جغرافیائی احوال و ظروف کا دقیق نظری سے مطالعہ کریں تو واضح ہوگا کہ بعض احوال اور بعض علاقوں میں اس عمر کی لڑکیوں کا بالغ ہو جانا کوئی اچھنبے کی بات نہیں ہے اور پھر عائلی زندگی کے فطری مراحل سے گزرنا ان کے لیے کوئی انہونی بات نہیں ہوتی۔
اس واقعے میں بالخصو ص یہ بات پیشِ نظر رہے کہ یہ نکاح حضرت ابو بکر صدیق رضی اللہ عنہ کو رسو ل اللہ صلی اللہ علیہ وسلم کے ہاں مزید قربت و شرف دینے کے لیئے عمل میں لایا گیا تھا۔
تا کہ انہیں رسو ل اللہ صلی اللہ علیہ وسلم کے ہاں وقت بے وقت آنے میں کوئی دشواری پیش نہ آئے۔
اور ان کا رسول اللہ صلی اللہ علیہ وسلم کے ساتھ ربط و ضبط مزید گہرا ہو جائے۔
اور پھر اس نکاح کی بنیاد وہ خواب تھے جو تواتر کے ساتھ نبی صلی اللہ علیہ وسلم کو دکھلائے گئے تھے۔
یہ خواب اس بات کی طرف اشارہ تھے کہ سیدہ عائشہ رضی اللہ عنھا کا نکاح نبی صلی اللہ علیہ وسلم کے ساتھ مقدر کر دیا گیا ہے۔
یہ احادیث صحیح اور واقعہ تاریخی شرعی اور فقہی اعتبار سے بالکل صحیح اور عین حق ہے اس کا انکار در حقیقت انکارِ حدیث کا زینہ ہے۔