فوائد:
➊ رات کو نیند کے وقت شیطان ہر انسان کی گردن کے پیچھے تین گرہیں باندھتا ہے۔ ان گرہوں سے مراد یا تو یہ ہے کہ جیسے جادوگر گرہیں باندھتا ہے، شیطان گرہیں باندھتا ہے، یا وہ گرہوں میں پھونکتا ہے، جس کی تاثیر سے انسان نماز فجر سے غافل رہتا ہے۔
شیطان کی اس تدبیر کا توڑ: ➊ بیدار ہوتے وقت مسنون اذکار کا اہتمام۔ ➋ وضو کرنا۔ ➌ نماز ادا کرنا۔
ان اعمال سے شیطانی اثر زائل ہو جاتا ہے اور انسان خوش و خرم اور چاک و چوبند ہو کر دن گزارتا ہے اور تمام شرعی امور احسن طریقے سے انجام دیتا ہے۔ بصورت دیگر اس پر شیطان کا غلبہ رہتا ہے اور وہ اکثر اعمال میں توفیقِ الٰہی سے محروم رہتا ہے۔
➋ اس حدیث میں صبح جاگتے وقت بیداری کی مسنون ادعیہ کے اہتمام، وضو کرنے اور نماز ادا کرنے کی ترغیب کا بیان ہے۔