صحيح ابن خزيمه سے متعلقہ
تمام کتب
ترقیم شاملہ
عربی
اردو
روزے دارکو مسواک کرنے کی رخصت ہے
امام ابوبکر رحمه الله فرماتے ہیں کہ نبی کریم صلی اللہ علیہ وسلم کی درج ذیل روایات میں اس بات کی دلیل موجود ہے کہ روزے دار کا ہر نماز کے وقت مسواک کرنا باعث فضیلت و اجر ہے۔ جیسا کہ بے روزہ دار شخص کے لئے فضیلت کا باعث ہے۔ آپ کا ارشاد ہے کہ ”اگر مجھے اپنی اُمّت کو مشقّت میں ڈال دنیے کا ڈر نہ ہوتا تو میں اُنہیں ہر نماز کے وقت مسواک کرنے کا حُکم دیتا۔“ آپ نے اس فرمان عالی میں روزے دار کو بے روزہ داروں سے مستثنی نہیں کیا (بلکہ دونوں کے لئے یہی حُکم دینے کی خواہش کی)۔ [صحيح ابن خزيمه/حدیث: 2006]
تخریج الحدیث: «أخرجه البخاري 887، أخرجه مسلم 252، وابن خزيمة فى (صحيحه) برقم: 2006، وأبو داود: برقم: 46، والترمذي: 22، والنسائي: 7، وابن ماجه: 287»
صحیح ابن خزیمہ کی حدیث نمبر 2006 کے فوائد و مسائل
الشيخ محمد فاروق رفیع حفظہ اللہ، فوائد و مسائل، صحیح ابن خزیمہ ح : 2006
فوائد:
مسواک کرنے کا یہ حکم عام ہے۔
اس میں روزہ اور بے روزہ ہونے کی کوئی قید نہیں ہے۔
لہٰذا ہر نماز کے ساتھ مسواک کرنا مستحب فعل ہے اور حالت روزہ میں ظہر، عصر یا مغرب کے قریب مسواک نہ کرنے کے بارے میں کوئی صحیح حدیث ثابت نہیں، لہٰذا ذاتی تخمینوں اور تخیلات سے حالت روزہ میں اس افضل فعل کو ترک نہیں کرنا چاہیے۔
مسواک کرنے کا یہ حکم عام ہے۔
اس میں روزہ اور بے روزہ ہونے کی کوئی قید نہیں ہے۔
لہٰذا ہر نماز کے ساتھ مسواک کرنا مستحب فعل ہے اور حالت روزہ میں ظہر، عصر یا مغرب کے قریب مسواک نہ کرنے کے بارے میں کوئی صحیح حدیث ثابت نہیں، لہٰذا ذاتی تخمینوں اور تخیلات سے حالت روزہ میں اس افضل فعل کو ترک نہیں کرنا چاہیے۔
[صحیح ابن خزیمہ شرح از محمد فاروق رفیع، حدیث/صفحہ نمبر: 2006]
Sahih Ibn Khuzaymah Hadith 2006 in Urdu