فوائد:
➊ ◈ مہلب رحمہ اللہ کہتے ہیں کہ (یہ احادیث دلیل ہیں کہ) نیکی کے تمام اعمال سے روزہ افضل ہے، الا کہ روزہ کی وجہ سے دشمن سے آمنا سامنا ہونے کے وقت ضعفِ بدن کا خدشہ نہ ہو۔ [شرح ابن بطال: 9/62]
➋ ◈ نووی رحمہ اللہ بیان کرتے ہیں کہ (احادیث الباب میں اللہ کی راہ میں روزہ رکھنے کی فضیلت کا بیان ہے) اور یہ اس شخص کے حق میں افضل ہے، جو روزہ سے تکلیف محسوس نہ کرے، کسی کے حق میں کوتاہی نہ کرے اور روزہ کی وجہ سے قتال اور مہماتِ غزوہ میں کوئی خلل واقع نہ ہو۔
➌ جہنم کی دوری سے مراد جہنم سے نجات ہے اور خریف سے مراد سال ہے۔ [شرح النووی: 8/33]