فوائد:
➊ بیوی سے دوبارہ مباشرت کرنے سے قبل شرعی وضو کرنا مستحب عمل ہے، جمہور علماء کا یہی موقف ہے۔ [عون المعبود: 224/1]
➋ البتہ اگر وہ وضو ترک کر دے تو گناہ گار نہیں ہوگا۔ کیونکہ ❀ «فَإِنَّهُ أَنْشَطُ لِلْعَوْدِ» قرینہ صارفہ ہے، یہ امر کو استحباب میں تبدیل کرنے کا قرینہ ہے۔ البتہ دوبارہ مباشرت سے قبل وضو کرنا افضل ہے۔
➌ اس وضو کا فائدہ یہ ہے کہ انسان سستی اور کاہلی کا شکار نہیں ہوتا اور اس عمل سے بدنِ انسانی میں نشاط اور توانائی لوٹ آتی ہے۔