فوائد:
➊ یہ احادیث دلیل ہیں کہ خاوند محارم میں شامل ہے۔
➋ عورت کا جب کوئی اور محرم نہ ہو تو سفر کے لیے خاوند کا ساتھ ہونا لازم ہے۔
➌ امام احمد اور شافعیہ کا مذہب ہے کہ خاوند عورت کو سفرِ حج سے روک سکتا ہے اور اسے حج میں تاخیر کرا سکتا ہے۔ [نيل الأوطار: 310/4]
➍ یہ احادیث دلیل ہیں کہ سفرِ حج کے لیے عورت کے ساتھ محرم کا ہونا شرط ہے، کیونکہ اگر محرم کی شرط نہ ہوتی تو نبی اکرم صلی اللہ علیہ وسلم جہاد میں شریک صحابی کو اپنی زوجہ کے ساتھ جانے کا حکم نہ دیتے۔
➎ موجودہ دور میں ٹریول ایجنسیوں کا مصنوعی محرم بنانا خلافِ شریعت ہے اور ایسے محرم سے سفر کے لیے محرم کی شرط پوری نہیں ہوتی۔ لہٰذا قلبی تسکین کے لیے ایسے محارم کا انتخاب شریعت کے اس سفری قانون کی پاسداری نہیں کرتا۔