فوائد:
➊ علماء کا اس مسئلہ پر اجماع ہے کہ محرم کے لیے احادیث الباب میں مذکور لباس اور چیزیں پہننا حرام ہیں۔ اور آپ صلی اللہ علیہ وسلم نے وضاحت کی ہے کہ قمیص اور شلوار اور اس معنی کے تمام لباس ممنوع ہیں، اسی طرح سر کو ڈھانپنے والی چیز، عمامے اور ٹوپیاں وغیرہ پہننا بھی حرام ہیں۔ پھر اگر زخم یا سر درد کی وجہ سے وہ سر پر کپڑا یا پگڑی باندھے تو اس پر فدیہ لازم آئے گا۔ اور موزے، جرابیں اور بند جوتے پہننا بھی حرام ہیں، یہ تمام احکام مردوں کے لیے ہیں۔
➋ بہرحال عورت کے لیے تمام بدن کو ہر لباس سے چھپانا مباح ہے، وہ سلا ہوا ہو یا ان سلا، سوائے عورت کے چہرے کے۔ اسے اپنے چہرے کو ہر پردے (نقاب، وغیرہ) سے ڈھانپنا حرام ہے، البتہ ہاتھوں پر دستانے پہننے کے بارے میں علماء کا اختلاف ہے اور راجح بات یہی ہے کہ دستانے پہننا بھی حرام ہیں۔ نیز مرد و عورت پر ہر قسم کی خوشبو کا استعمال حرام ہے۔ ** [شرح النووي: 74/8] **