فوائد:
◈ شافعی، مالک، ابوحنیفہ رحمہم اللہ اور جمہور علماء کا موقف ہے کہ عرفہ میں حاجی کے لیے یومِ عرفہ کا روزہ چھوڑنا مستحب ہے۔
◈ ابن منذر رحمہ اللہ نے ابوبکر صدیق، عمر فاروق، عثمان بن عفان، ابن عمر رضی اللہ عنہم اور ثوری رحمہ اللہ سے بھی یہی قول نقل کیا ہے۔
◈ جمہور علماء نے یہ استدلال نبی صلی اللہ علیہ وسلم کے فعل سے اخذ کیا ہے۔
نیز یہ عمل اس لیے بھی افضل ہے کہ وقوفِ عرفہ کے آداب اور مناسکِ حج کے اہم ارکان کی ادائیگی میں بھی عرفہ کا روزہ چھوڑنا حاجی کے لیے راحت و تسکین اور مشقت سے بچنے کا ذریعہ ہے۔ [شرح النووي: 38/7]