فوائد:
➊ نومولود کو گھٹی دینا مستحب فعل ہے۔
➋ چھوٹے بچوں کو اہل فضل کے پاس بطور تبرک لے جانا مستحب ہے۔
➌ چھوٹے بچوں سے حسن معاشرت، نرمی اور تواضع اختیار کرنا مندوب ہے۔
➍ شیر خوار لڑکے کے پیشاب کی طہارت کے لیے پانی چھڑکنا کافی ہے، نیز علماء کا شیر خوار بچے اور بچی کے پیشاب کی طہارت کی کیفیت کے متعلق اختلاف ہے اور اس بارے علماء کے تین مذاہب ہیں۔
● (الف) ... صحیح اور راجح موقف یہ ہے کہ بچے کے پیشاب پر چھینٹے مارنا کافی ہے، لیکن بچی کے پیشاب پر پانی چھڑکنا ناکافی ہے بلکہ اسے دیگر نجاسات کی طرح دھونا واجب ہے۔ ◈ علی بن ابی طالب رضی اللہ عنہ، عطاء بن ابی رباح، حسن بصری، احمد بن حنبل، اسحاق بن راہویہ رحمہم اللہ اور سلف کی ایک جماعت کا یہی قول ہے۔
● (ب) ◈ محمد بن سیرین اور ابن وہب، مالکیہ کا یہی مذہب ہے۔
● (ج) ... بچے اور بچی دونوں کے پیشاب پر چھینٹے مارنا ناکافی ہے، بلکہ دونوں کا پیشاب دھونا واجب ہے۔ ◈ ابوحنیفہ، مالک اور اصحاب الرائے کا یہی موقف ہے۔ [نووی: 3/194]
➎ بچے کے پیشاب کی طہارت کے لیے چھینٹے مارنا اس وقت تک کافی ہے، جب تک اس کی خوراک کا انحصار دودھ پر ہو اور جب اس کی خوراک عام غذا بن جائے تو یہ رخصت ختم ہو جاتی ہے۔
➏ بچے کے پیشاب پر چھینٹے مارنے سے یہ استدلال کرنا کہ شیر خوار بچے کا پیشاب پاک ہے، باطل ہے، بلکہ بچے کا پیشاب نجس ہوتا ہے لیکن شیر خوارگی میں یہ نجاست خفیف ہوتی ہے اور چھینٹے مارنے سے اس کا ازالہ ہو جاتا ہے۔