فوائد:
➊ ایامِ تشریق کی راتیں منیٰ میں بسر کرنے کا حکم ہے، لیکن علما میں اس کے وجوب اور عدمِ وجوب میں اختلاف ہے اور امام شافعی کا صحیح ترین قول یہ ہے کہ یہ عمل واجب ہے۔
➋ اہلِ سقایہ اس وجوب سے مستثنیٰ ہیں اور وہ منیٰ کے بجائے مکہ میں رات بسر کر سکتے ہیں تاکہ وہ مکہ میں جا کر زمزم پلانے کا بندوبست کر سکیں۔ شافعی کے نزدیک یہ استثنا آلِ عباس کے ساتھ خاص نہیں بلکہ جو بھی شخص اس ذمہ داری پر مامور ہو وہ اس حکم سے مستثنیٰ ہے۔
➌ حاجی کو پانی پلانا آلِ عباس کا حق ہے کیونکہ دورِ جاہلیت میں وہ اسی ذمہ داری پر مامور تھے پھر نبی صلی اللہ علیہ وآلہ وسلم نے بھی انھیں اس پر برقرار رکھا۔ [شرح النووي: 63/9]