فوائد:
➊ ◈ مہلب رحمہ اللہ کہتے ہیں: مغرب کو عشاء کہنا مکروہ ہے، کیونکہ اللہ اور اس کے رسول کے دیے ہوئے نام کو کسی کی رائے کی وجہ سے ترک نہیں کیا جا سکتا۔ ** [شرح ابن بطال: 236/3] **
➋ ◈ شوکانی بیان کرتے ہیں کہ اس حدیث کی رو سے مغرب کو عشاء سے موسوم کرنا ممنوع ہے، جیسے دیہاتی لوگ مغرب کو عشاء سے موسوم کرتے تھے۔
چنانچہ اگر اس نام میں لوگ اعراب کے موافق ہو جاتے تو اس نام پر اعراب ان پر غالب آجاتے، کیونکہ فریقِ مخالف فریقین میں سے جو فریقِ ثانی کی طرف رجوع کرتا ہے تو رجوع کرنے والا مغلوب ہوتا ہے۔
اس نہی کی علت میں اختلاف پایا جاتا ہے؛ چنانچہ ایک قول کے مطابق اس ممانعت کی علت مغرب اور عشاء کے التباس کا خوف ہے۔
ایک قول کے مطابق نہی کی علت یہ ہے کہ مغرب کو عشاء سے موسوم کرنا حکمِ الٰہی کی مخالفت ہے، کیونکہ اللہ تعالیٰ نے اول نماز (مغرب کو) مغرب سے اور عشاءِ ثانیہ کو عشاء سے موسوم کیا ہے۔ ** [نیل الأوطار: 10/2] **