فوائد:
➊ فجر کی دو اذانیں کہنا اور ان کے لیے دو مؤذن مقرر کرنا مشروع ہے۔
➋ فجر کی دونوں اذانوں میں بہت زیادہ وقفہ نہیں ہونا چاہیے۔
بلکہ اتنا وقفہ ہونا چاہیے کہ تہجد وغیرہ پڑھنے والا شخص اپنی نماز سمیٹ لے، یعنی وتر وغیرہ پڑھ لے۔
اور جو خوابیدہ لوگ غسل، وضو اور دیگر حاجاتِ ضروریہ سے فراغت حاصل کر کے نمازِ فجر باجماعت ادا کر سکیں، دونوں اذانوں میں گھنٹے، دو گھنٹے کے وقفے سے یہ مقصود فوت ہو جاتا ہے۔
بلکہ اذان سن کر بیدار ہونے والے مزید سست ہو جاتے ہیں اور کئی لوگوں کی نمازِ باجماعت چھوٹ جاتی ہے۔
لہٰذا مسنون طریقے پر عمل کرنے ہی میں فلاح و برکت ہے۔