فوائد:
یہ احادیث بظاہر گزشتہ احادیث کے متعارض معلوم ہوتی ہیں، کیونکہ گزشتہ احادیث میں مذکور ہے کہ بلال رضی اللہ عنہ فجر کی پہلی اذان اور عبداللہ بن ام مکتوم رضی اللہ عنہ فجر کی دوسری اذان کہتے تھے، جبکہ احادیثِ باب میں مذکور ہے کہ عبداللہ بن ام مکتوم اذانِ اول اور بلال رضی اللہ عنہ اذانِ ثانی کہتے تھے۔
ان احادیث میں تطبیق کی دو توجیہات بیان کی گئی ہیں:
➊ عبداللہ بن ام مکتوم اور بلال رضی اللہ عنہما میں باری مقرر تھی، چنانچہ کبھی بلال رضی اللہ عنہ اور کبھی عبداللہ بن ام مکتوم رضی اللہ عنہ پہلی اذان کہتے اور کبھی دوسری اذان کہتے تھے۔
➋ شروع میں بلال رضی اللہ عنہ پہلی اذان کہتے رہے، پھر مستقل ان کی ذمہ داری دوسری اذان کہنے پر ہی لگا دی گئی اور وہ ہمیشہ دوسری اذان ہی کہتے رہے۔