فوائد:
➊ ان احادیث میں دورانِ نماز آسمان کی طرف نگاہ اٹھانے کے بارے میں سخت نہی اور شدید وعید وارد ہوئی ہے۔
◈ قاضی عیاض رحمہ اللہ نے اس فعل کی ممانعت پر اجماع نقل کیا ہے۔ [شرح النووي: 151/4]
➋ نمازی آسمان کی طرف نگاہیں اٹھانے سے باز آ جائیں ورنہ ان کی نگاہیں اچک لی جائیں گی، اس سے کیا مراد ہے؟ اس بارے میں علماء کا اختلاف ہے:
➊ اس سے وعید مقصود ہے، لہذا نماز میں یہ عمل حرام ہے۔
➋ اس مسئلہ میں ابن حزم افراط کا شکار ہیں اور ان کا قول یہ ہے کہ اس سے نماز باطل ہو جاتی ہے۔
➌ آسمان کی طرف نگاہیں اٹھانے والوں کے بارے میں ڈر ہے کہ ان انوار سے ان کی آنکھوں کا نور ختم نہ ہو جائے جو نماز کے وقت فرشتے نماز پر انوار لے کر اترتے ہیں۔ [فتح الباري: 302/2]