فوائد:
رکوع سے اٹھنے کے بعد اعتدال اور دو سجدوں کے درمیان قعدہ کے اعتدال میں طمانیت واجب ہے۔
◈ عترہ، شافعی، احمد، اسحاق اور داؤد ظاہری کا یہی موقف ہے۔
اکثر علماء کہتے ہیں کہ جو شخص ان دو ارکان میں اپنی پشت سیدھی نہیں کرتا یعنی (صحیح اعتدال اور طمانیت حاصل نہ ہو) تو اس کی نماز صحیح نہیں ہے اور احادیث الباب سے بھی یہی ظاہر ہوتا ہے۔
◈ لیکن ابوحنیفہ اور مالک سے منقول ہے کہ ان دو جگہوں میں طمانیت واجب نہیں، بلکہ رکوع ہی سے سجدہ میں مڑ جانا اور سجدہ سے معمولی سر اٹھانا ہی صحتِ نماز کے لیے کافی ہے۔ [نيل الأوطار: 262/2]