سیدنا ابوہریرہ رضی اللہ عنہ فرماتے ہیں کہ میری ملاقات نبی اکرم صلی اللہ علیہ وسلم سے ہوئی اور اس وقت میں جنبی تھا، آپ نے میرا ہاتھ پکڑ لیا اور میں آپ کے ساتھ چلنے لگا، آخر آپ ایک جگہ بیٹھ گئے اور میں آہستہ سے اپنے گھر آیا اور غسل کر کے حاضرِ خدمت ہوا، آپ ابھی (وہیں) بیٹھے ہوئے تھے، آپ نے دریافت فرمایا: ”اے ابوہریرہ! کہاں چلے گئے تھے؟“ میں نے واقعہ بیان کیا تو آپ نے فرمایا: «سُبْحَانَ اللّٰهِ» ”سبحان اللہ! اے ابوہریرہ! مومن تو نجس نہیں ہوتا۔“ [اللؤلؤ والمرجان/كتاب الحيض/حدیث: 210]