حضرت داؤد بن سلیمان فرماتے ہیں کہ حضرت عمر بن عبدالعزیز نے عبدالحمید بن عبدالرحمن کو خط لکھا کہ میں تمہیں حکم دیتا ہوں کہ اہل کوفہ کی زمین پر غور کر۔ کسی بنجر زمین پر آباد زمین کا حکم نہ لگاؤ اور کسی آباد زمین پر بنجر زمین کا حکم نہ لگاؤ۔ بنجر زمین کو دیکھو، اس سے اتنا لو جتنی اس میں طاقت ہو اور اس کی اصلاح کرو یہاں تک کہ وہ آباد ہوجائے۔ آباد زمین سے صرف مقررہ خراج لو تاکہ ان کے ساتھ نرمی ہو اور انہیں سہولت ملے۔ میں تمہیں حکم دیتا ہوں کہ خراج میں صرف سات کا وزن لو جس میں کوئی ملاوٹ نہ ہو، ضرابین کی اجرت نہ لو۔ چاندی پگھلی ہوئی نہ لو۔ نیروز اور مہرجان کا ہدیہ نہ لو۔ مصحف کی قیمت نہ لو۔ فتوح کی اجرت نہ لو، کمروں کا کرایہ نہ لو، نکاح کا درہم نہ لو اور جو مسلمان ہوجائے اس سے خراج نہ لو۔ [مصنف ابن ابي شيبه/كتاب السير/حدیث: 34912]