حضرت عائشہ رضی اللہ عنہا سے روایت ہے کہ جب نبی کریم صلی اللہ علیہ وآلہ وسلم یوم الخندق سے واپس تشریف لائے اور آپ صلی اللہ علیہ وآلہ وسلم نے اسلحہ رکھ دیا اور غسل فرما لیا۔ تو آپ صلی اللہ علیہ وآلہ وسلم کے پاس جبرائیل حاضر ہوئے اور ان کے سر پر غبار تھا تو انہوں نے فرمایا۔ آپ نے اسلحہ رکھ دیا ہے۔ بخدا! میں نے تو اسلحہ نہیں رکھا۔ رسول اللہ صلی اللہ علیہ وآلہ وسلم نے ارشاد فرمایا: پھر کدھر؟ حضرت جبرائیل نے جواب دیا۔ اِدھر! اور انہوں نے بنو قریظہ کی طرف اشارہ کیا۔ راوی کہتے ہیں پھر نبی کریم صلی اللہ علیہ وآلہ وسلم بنو قریظہ کی طرف نکل پڑے۔ [مصنف ابن ابي شيبه/كتاب المغازي/حدیث: 39596]