سیدنا اوس بن اوس ثقفی رضی اللہ عنہ سے روایت ہے کہ انہوں نے کہا کہ رسول اللہ صلی اللہ علیہ وسلم نے فرمایا: ”جس شخص نے جمعہ کے دن «غسل واغتسل» (سر دھویا اور غسل کیا)، پھر «بکر وابتکر» (بالکل سویرے مسجد کے لیے نکلا اور خطبہ کے شروع ہی میں پہنچ گیا)، اور (مسجد کی طرف) پیدل چل کر گیا اور سوار نہیں ہوا، پھر امام کے قریب ہو کر بیٹھا اور توجہ سے (خطبہ) سنا اور «لم يلغ» (کوئی لغو کام نہیں کیا)، تو اسے (گھر سے مسجد تک کے) ہر ہر قدم کے بدلے ایک سال کے عمل کا اجر ملے گا، یعنی اس (ایک سال) کے روزوں اور اس کی (راتوں کے) قیام کا ثواب حاصل ہو گا۔“ [مصنف ابن ابي شيبه/كتاب الجمعة/حدیث: 5083]