سیدنا جابر رضی اللہ عنہ سے روایت ہے، انہوں نے بیان کیا کہ ایک مرتبہ جمعہ کے دن تجارت کا ایک قافلہ آیا، اس وقت رسول اللہ صلی اللہ علیہ وسلم خطبہ ارشاد فرما رہے تھے، پس لوگ (اسے) دیکھنے کے لیے (مسجد سے) چلے گئے اور رسول اللہ صلی اللہ علیہ وسلم کے ہمراہ صرف بارہ آدمی باقی رہ گئے، تب یہ آیتِ مبارکہ نازل ہوئی: ﴿وَإِذَا رَأَوْا تِجَارَةً أَوْ لَهْوًا انْفَضُّوا إِلَيْهَا وَتَرَكُوكَ قَائِمًا﴾ ”اور جب انہوں نے کوئی تجارت یا کھیل تماشا دیکھا تو وہ اس کی طرف لپک گئے اور آپ کو (منبر پر) کھڑا ہی چھوڑ دیا۔“ [سورة الجمعة: 11] [مصنف ابن ابي شيبه/كتاب الجمعة/حدیث: 5291]