ابراہيم سكسکی رحمہ اللہ بیان کرتے ہیں کہ میں نے سیدنا عبداللہ بن ابی اوفی رضی اللہ عنہ کو فرماتے ہوئے سنا، انہوں نے کہا: ”تین کام ایسے ہیں کہ جو شخص ان سے محفوظ رہا، اس کے اس جمعہ اور اگلے جمعہ کے درمیانی گناہ معاف کر دیے جائیں گے: (اول) یہ کہ وہ دورانِ خطبہ حدث (بے وضو ہونا) کرے، اور اس سے مراد پیٹ کی کسی ایسی بیماری یا تکلیف (کی وجہ سے بے اختیار خارج ہونے والی ریاح) نہیں ہے جس پر انسان کا بس نہ چلے، یا (دوم) یہ کہ وہ گفتگو کرے، یا (سوم) یہ کہ وہ (کسی کو خاموش کرانے کے لیے) «صَهْ» (خاموش ہو جاؤ) کہے۔“ [مصنف ابن ابي شيبه/كتاب الجمعة/حدیث: 5413]