سیدنا جابر رضی اللہ عنہ سے روایت ہے کہ سیدنا سعد رضی اللہ عنہ نے جمعہ کے دن ایک شخص سے کہا: ”تمہاری کوئی نماز نہیں ہے“، (راوی کہتے ہیں کہ) اس شخص نے نبی کریم صلی اللہ علیہ وسلم سے اس بات کا تذکرہ کیا اور عرض کی: ”اے اللہ کے رسول! سعد نے مجھ سے کہا ہے کہ تمہاری کوئی نماز نہیں ہے“، تو نبی کریم صلی اللہ علیہ وسلم نے دریافت فرمایا: ”اے سعد! تم نے اسے ایسا کیوں کہا؟“ انہوں نے عرض کی: ”اے اللہ کے رسول! اس شخص نے اس وقت کلام کیا تھا جب آپ خطبہ ارشاد فرما رہے تھے“، تو آپ صلی اللہ علیہ وسلم نے ارشاد فرمایا: ”سعد نے سچ کہا ہے۔“ [مصنف ابن ابي شيبه/كتاب الجمعة/حدیث: 5412]