سیدنا انس رضی اللہ عنہ بیان کرتے ہیں: نبی کریم صلی اللہ علیہ وسلم نے اپنے اصحاب کو نماز پڑھائی، جب آپ صلی اللہ علیہ وسلم نماز پڑھ کر فارغ ہوئے، تو آپ نے ان کی طرف رخ کر کے ارشاد فرمایا: ”کیا تم لوگ نماز کے دوران قراءت کر رہے تھے جب کہ امام قراءت کر رہا تھا؟“ لوگ خاموش رہے، نبی کریم صلی اللہ علیہ وسلم نے یہ بات تین مرتبہ ارشاد فرمائی، تو ایک صاحب بولے: چند حضرات نے یہ بات بیان کی ہے: ہم نے ایسا ہی کیا ہے۔ نبی کریم صلی اللہ علیہ وسلم نے فرمایا: ”تم ایسا نہ کیا کرو، تم لوگ دل میں سورة الفاتحہ پڑھ لیا کرو۔“ یہ الفاظ فارسی نامی راوی کے ہیں۔ [سنن الدارقطني/ كتاب الصلاة/حدیث: 1288]

یہی روایت ایک اور سند کے ہمراہ بھی منقول ہے۔ [سنن الدارقطني/ كتاب الصلاة/حدیث: 1288/1]