ابوعبیدہ بن عبداللہ اپنے والد (سیدنا عبداللہ بن مسعود رضی اللہ عنہ) کے حوالے سے نبی کریم صلی اللہ علیہ وسلم کا یہ فرمان نقل کرتے ہیں: ”جب تم نماز کی حالت میں ہو اور تمہیں تین یا چار رکعت ہونے کے بارے میں شک ہو اور تمہارا زیادہ گمان یہ ہو کہ چار پڑھی ہیں، تو تم تشہد پڑھنے کے بعد دو مرتبہ سجدہ سہو کر لو، یہ اس وقت کرو، جب تم بیٹھے ہوئے ہو اور سلام پھیرنے سے پہلے کرو، پھر اس کے بعد دوبارہ تشہد پڑھو اور پھر سلام پھیرو۔“ بعض دیگر راویوں نے اسے نقل کیا ہے، لیکن انہوں نے اسے مرفوع حدیث کے طور پر نقل نہیں کیا ہے، بعض دیگر راویوں نے اسے نقل کرتے ہوئے اس کے متن میں کچھ اختلاف نقل کیا ہے۔ [سنن الدارقطني/ كتاب الصلاة/حدیث: 1417]