ثعلبہ بن ابوصعیر اپنے والد کے حوالے سے نبی کریم صلی اللہ علیہ وسلم کا یہ فرمان نقل کرتے ہیں: ”گندم کا ایک صاع ادا کرو (یہاں پر ایک لفظ کے بارے میں راوی کو شک ہے) ہر چھوٹے اور بڑے، مذکر اور مونث، آزاد اور غلام، خوشحال اور غریب کی طرف سے ادا کرو، جہاں تک خوشحال لوگوں کا تعلق ہے، تو اللہ تعالیٰ ان کا (یعنی ان کے مال کا) تزکیہ کر دے گا اور جہاں تک غریب لوگوں کا تعلق ہے، تو اس نے جو ادائیگی کی ہے، اللہ تعالیٰ اسے اس سے زیادہ عطا کر دے گا۔“ [سنن الدارقطني/ كتاب زكاة الفطر/حدیث: 2105]