سیدنا عبداللہ بن عباس رضی اللہ عنہما بیان کرتے ہیں: نبی کریم صلی اللہ علیہ وسلم نے فرمایا: ”اے لوگو! تم پر حج کرنا فرض کیا گیا۔“ تو اقرع بن حابس رضی اللہ عنہ نے عرض کی: ”یا رسول اللہ! کیا ہر سال حج کرنا فرض ہے؟“ نبی کریم صلی اللہ علیہ وسلم خاموش رہے، پھر آپ نے ارشاد فرمایا: ”نہیں، بلکہ ایک ہی مرتبہ حج کرنا فرض ہے، اس کے بعد جو حج کرے گا، تو اس کے لیے نفل ہو گا، اگر میں ہاں کہہ دیتا، تو یہ تم پر لازم ہو جاتا اور اس صورت میں تم اس حکم پر عمل پیرا نہ ہو سکتے۔“ [سنن الدارقطني/ كتاب الحج/حدیث: 2698]