سیدنا عبداللہ بن عباس رضی اللہ عنہما بیان کرتے ہیں کہ نبی کریم صلی اللہ علیہ وسلم نے یہ بات ارشاد فرمائی ہے: ”جو شخص کوئی نذر مانتے ہوئے اس کا نام نہ لے، تو اس کا کفارہ قسم توڑنے کا کفارہ ہو گا اور جو شخص اللہ تعالیٰ کی نافرمانی سے متعلق نذر مانے، تو اس کا کفارہ قسم توڑنے کا کفارہ ہو گا اور جو شخص کوئی نذر مانے اور وہ نذر اس کی طاقت میں نہ ہو (یعنی اسے پورا نہ کر سکتا ہو)، تو اس کا کفارہ قسم توڑنے کا کفارہ ہو گا، اور جو شخص اللہ تعالیٰ کے نام کی ایسی نذر مانے، جس کو وہ پورا کر سکتا ہو، تو پھر وہ اسے پورا کرے۔“ [سنن الدارقطني/ النذور/حدیث: 4318]