قتادہ نامی راوی نے یہ بات بیان کی ہے: ”یہ اس وقت ہے جب وہ کچھ کھاتے نہ ہوں، اگر وہ کھانا شروع کر دیں تو ان دونوں کے پیشاب کو دھویا جائے گا۔“ [سنن الدارقطني/كتاب الطهارة/حدیث: 470]

سیدنا ابوسمح رضی اللہ عنہ بیان کرتے ہیں: میں نبی کریم صلی اللہ علیہ وسلم کی خدمت کیا کرتا تھا، جب آپ نے غسل کرنا ہوتا تو آپ مجھ سے فرماتے: ”منہ دوسری طرف کر لو۔“ تو میں منہ دوسری طرف کر لیتا اور پردہ کر دیتا۔ (ایک مرتبہ آپ نے غسل کر لیا تھا) تو آپ کے پاس جناب امام حسن رضی اللہ عنہ یا شاید امام حسین رضی اللہ عنہ کو لایا گیا، انہوں نے آپ کے سینے پر پیشاب کر دیا، تو نبی کریم صلی اللہ علیہ وسلم نے پانی منگوا کر اس پر چھڑک دیا، اور ارشاد فرمایا: ”اگر لڑکا پیشاب کر دے، تو اس طرح چھڑک دیا جائے گا اور اگر لڑکی پیشاب کرے تو اسے دھویا جائے گا۔“ [سنن الدارقطني/كتاب الطهارة/حدیث: 470M]