سیدہ عائشہ رضی اللہ عنہا بیان کرتی ہیں: نبی کریم صلی اللہ علیہ وسلم نے یہ بات ارشاد فرمائی: ”ان لوگوں کے لیے بربادی ہے، جو اپنی شرمگاہوں کو چھو لیتے ہیں اور وضو کیے بغیر نماز ادا کر لیتے ہیں۔“ سیدہ عائشہ رضی اللہ عنہا نے عرض کی: ”میرے والدین آپ پر قربان ہوں! یہ حکم تو مردوں کے لیے ہے، خواتین کے لیے آپ کی کیا رائے ہے؟“ تو نبی کریم صلی اللہ علیہ وسلم نے ارشاد فرمایا: ”جب کوئی عورت اپنی شرمگاہ کو چھو لے، تو اسے چاہیے کہ وہ نماز کے لیے وضو کرے۔“ اس روایت کا راوی عبدالرحمن عمری، ضعیف ہے۔ [سنن الدارقطني/كتاب الطهارة/حدیث: 535]