۔ سیدہ عائشہ رضی اللہ عنہا سے مروی ہے، وہ کہتی ہیں: مجھ پر تہمت لگائی گئی، جبکہ مجھے خبر تک نہ تھی، اس کے بعد مجھے بات پہنچی تو تھی، لیکن اس پر یقین نہیں آتا تھا، ایک دن نبی کریم صلی اللہ علیہ وآلہ وسلم میرے پاس تھے،اسی اثنا میں آپ صلی اللہ علیہ وآلہ وسلم پروحی نازل ہونے لگی اور آپ صلی اللہ علیہ وآلہ وسلم پر ہلکی نیند غالب آنے لگی، پھر آپ صلی اللہ علیہ وآلہ وسلم نے اپنا سر مبارک اٹھایا، اپنی پیشانی سے پسینہ صاف کیا اور فرمایا: اے عائشہ! خوش ہوجاؤ۔ میں نے کہا:اللہ تعالیٰ کی تعریف کے ساتھ، نہ کہ آپ کی تعریف کے ساتھ، پھر آپ صلی اللہ علیہ وآلہ وسلم نے ان آیات کی تلاوت کی: {الَّذِینَ یَرْمُوْنَ الْمُحْصَنَاتِ … … حَتَّی بَلَغَ مُبَرَّءُ وْنَ مِمَّا یَقُولُوْنَ}۔ [الفتح الربانی/تفسير من سورة إبراهيم إلى سورة الشعراء/حدیث: 8690]