سعد بن عبادہ رضی اللہ عنہ نے اپنا مال اپنی اولاد میں تقسیم کر دیا اور شام چلے گئے، وہاں ان کے ہاں ایک اور بیٹا پیدا ہوا، جب سعد فوت ہو گئے تو سیدنا ابوبکر اور سیدنا عمر رضی اللہ عنہما قیس بن سعد رضی اللہ عنہ کے پاس آئے اور کہا: ”سعد نے اپنے بچوں میں مال بانٹ دیا تھا اور آنے والے بچے کا علم نہ تھا، ہم چاہتے ہیں کہ اس بچے کو بھی حصہ دیا جائے۔“ قیس نے کہا: ”میں اپنے باپ سعد کے کئے ہوئے فیصلے کو نہیں بدلوں گا، لیکن اپنا حصہ اسے دے دوں گا۔“ [سنن سعید بن منصور/كتاب ولاية العصبة/حدیث: 1468]