سعید بن مسیب رحمہ اللہ کہتے ہیں: ایک عورت سیدنا عمر رضی اللہ عنہ کے پاس آئی اور کہا کہ عورت کو اپنے شوہر کی دیت میں سے کچھ نہیں دیا جاتا، تو سیدنا عمر رضی اللہ عنہ نے کہا: ”دیت تو عاقلہ کے لئے ہے جو اس کی طرف سے دیت دیتے ہیں، کیا کسی کے پاس رسول اللہ صلی اللہ علیہ وسلم کا کوئی حکم ہے؟“ تو ضحاک بن سفیان رضی اللہ عنہ کھڑے ہوئے اور کہا: ”رسول اللہ صلی اللہ علیہ وسلم نے مجھے اشیم الضبابی کی بیوی کو اس کی دیت میں سے وارث بنانے کا حکم دیا تھا۔“ تو سیدنا عمر رضی اللہ عنہ نے اسے وارث بنایا۔ [سنن سعید بن منصور/كتاب ولاية العصبة/حدیث: 1474]