عمرو بن خارجہ اشعری رضی اللہ عنہ بیان کرتے ہیں کہ میں نے رسول اللہ صلی اللہ علیہ وسلم کو حجۃ الوداع میں فرماتے سنا: ”اللہ تعالیٰ نے ہر حق والے کو اس کا حق دے دیا ہے، لہٰذا وارث کے لیے وصیت جائز نہیں۔ بچہ بستر والے کا ہے اور بدکار کے لیے پتھر ہے۔ جو اپنے باپ کے علاوہ کسی اور کی طرف نسبت کرے یا اپنے غیر موالی کی طرف انتساب کرے تو اس پر اللہ، فرشتوں اور تمام لوگوں کی لعنت ہے، اور اس سے نہ کوئی نفل قبول ہو گا نہ فرض۔“ [سنن سعید بن منصور/كتاب ولاية العصبة/حدیث: 1605]