عبیداللہ بن عبداللہ اپنے والد (سیدنا عبداللہ بن عمر) کے حوالے سے یہ بات نقل کرتے ہیں۔ نبی اکرم صلی اللہ علیہ وسلم سے ایسے پانی کے بارے میں دریافت کیا گیا: جس میں سے درندے اور جانور بھی آ کر پیتے ہیں، تو نبی اکرم صلی اللہ علیہ وسلم نے یہ بات ارشاد فرمائی۔ ”جب پانی دو قلے ہو جائے، تو اسے کوئی چیز ناپاک نہیں کرتی ہے۔“ (امام ابن حبان رحمہ اللہ فرماتے ہیں:) یہ الفاظ اطلاع دینے کے ہیں۔ اس سے مراد اس چیز کے بارے میں اطلاع دینے کے ہیں جس کے بارے میں دریافت کیا گیا ہو۔ اس کا مطلب یہ ہے کہ جس چیز کے بارے میں سوال کیا گیا ہے، ان میں سے کوئی چیز ناپاک نہیں کرتی ہے۔ [صحیح ابن حبان/كتاب الطهارة/حدیث: 1253]