غوث بن سلیمان اپنے والد کا یہ بیان نقل کرتے ہیں کہ ہم جمعہ کے دن سیدنا عبداللہ بن حارث زبیدی رضی اللہ عنہ کی خدمت میں حاضر ہوئے۔ انہوں نے ایک طشت منگوایا، انہوں نے کنیز سے فرمایا: ”تم میرے لیے پردہ کر دو۔“ اس نے ان کے لیے پردہ کر دیا۔ انہوں نے اس طشت میں پیشاب کیا اور پھر یہ بات بیان کی: میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے: ”آپ نے اس بات سے منع کیا ہے، کوئی شخص قبلہ کی طرف رخ کر کے پیشاب کرے۔“ [صحیح ابن حبان/كتاب الطهارة/حدیث: 1419]