سعید بن یسار بیان کرتے ہیں: میں سیدنا عبداللہ عمر رضی اللہ عنہ کے ساتھ مکہ کے راستے میں سفر کر رہا تھا جب مجھے صبح صادق قریب ہونے کا اندیشہ ہوا، تو میں سواری سے اترا اور میں نے وتر ادا کر لیے پھر میں سیدنا عبداللہ بن عمر رضی اللہ عنہما کے پاس پہنچا تو سیدنا عبداللہ بن عمر رضی اللہ عنہما نے مجھ سے دریافت کیا: تم کہاں رہ گئے تھے۔ میں نے جواب دیا: مجھے یہ اندیشہ ہوا، صبح صادق ہونے والی ہے۔ اس لیے میں سواری سے اترا اور میں نے وتر ادا کر لیے۔ سیدنا عبداللہ بن عمر رضی اللہ عنہما نے دریافت کیا: کیا تمہارے لیے اللہ کے رسول کے طریقے میں نمونہ نہیں ہے۔ میں نے جواب دیا: جی ہاں ہے۔ انہوں نے فرمایا: نبی اکرم صلی اللہ علیہ وسلم اونٹ پر ہی وتر ادا کر لیتے تھے۔ [صحیح ابن حبان/كتاب الصلاة/حدیث: 2413]