سیدنا جابر رضی اللہ عنہ بیان کرتے ہیں کہ نبی اکرم صلی اللہ علیہ وسلم کا گزر ایک شخص کے پاس سے ہوا جو ایک چٹان پر کھڑا نماز ادا کر رہا تھا، پھر نبی اکرم صلی اللہ علیہ وسلم مکہ کے ایک کنارے (کسی کام کے سلسلے میں) تشریف لائے، وہاں آپ صلی اللہ علیہ وسلم تھوڑی دیر ٹھہرے رہے۔ جب آپ صلی اللہ علیہ وسلم واپس تشریف لائے، تو آپ صلی اللہ علیہ وسلم نے اس شخص کو اسی حالت میں نماز ادا کرتے ہوئے دیکھا، تو آپ صلی اللہ علیہ وسلم نے اپنے دونوں ہاتھ ملائے اور یہ ارشاد فرمایا: ”اے لوگو! تم پر میانہ روی اختیار کرنا لازم ہے، تم پر میانہ روی اختیار کرنا لازم ہے، بے شک اللہ تعالیٰ تھکاوٹ کا شکار نہیں ہوتا اور تم لوگ تھکاوٹ کا شکار ہو جاتے ہو۔“ [صحیح ابن حبان/كتاب البر والإحسان/حدیث: 357]