سیدنا عبداللہ بن عمرو رضی اللہ عنہما بیان کرتے ہیں کہ نبی اکرم صلی اللہ علیہ وسلم کو یہ بات بتائی گئی کہ میں یہ کہتا ہوں: اللہ کی قسم! میں جب تک زندہ رہا روزانہ روزہ رکھا کروں گا اور روزانہ رات کے وقت نفل پڑھتا رہوں گا، میں نے نبی اکرم صلی اللہ علیہ وسلم کی خدمت میں عرض کی: یا رسول اللہ صلی اللہ علیہ وسلم ! میں نے یہ بات کہی ہے، تو نبی اکرم صلی اللہ علیہ وسلم نے فرمایا: ”تم اس کی استطاعت نہیں رکھ سکو گے، تم روزہ رکھ بھی لیا کرو اور چھوڑ بھی دیا کرو، سو بھی جایا کرو اور نفل بھی پڑھ لیا کرو، ہر مہینے میں تین روزے رکھ لیا کرو؛ نیکی کا بدلہ دس گنا ہوتا ہے، تو یہ پورا مہینہ روزے رکھنے کے مترادف ہو گا۔“ [صحیح ابن حبان/كتاب الصوم/حدیث: 3660]