سیدنا ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”(اے فرشتو!) جب میرا بندہ کسی برائی کا ارادہ کرے اور وہ اس پر عمل نہ کرے، تو تم اسے نیکی کے طور پر لکھو اور اگر وہ اس پر عمل کر لے، تو تم اسے برائی کے طور پر لکھو اور اگر وہ اس سے توبہ کر لے، تو تم اس کی طرف سے برائی کو مٹا دو اور جب میرا بندہ کسی نیکی کا ارادہ کرے اور اس پر عمل نہ کرے، تو تم اسے نیکی کے طور پر لکھو اور اگر وہ اس پر عمل کر لے، تو تم اسے دس گنا سے لے کر سات سو گنا (اجر و ثواب) کے طور پر لکھو۔“ [صحیح ابن حبان/كتاب البر والإحسان/حدیث: 381]