سیدنا عبداللہ بن عباس رضی اللہ عنہما، نبی اکرم صلی اللہ علیہ وسلم کا یہ فرمان نقل کرتے ہیں: ”اللہ تعالیٰ نے اس شخص پر لعنت کی ہے جو غیر اللہ کے نام پر جانور ذبح کرے۔ اللہ تعالیٰ نے اس شخص پر لعنت کی ہے جو زمین کی حد بندی کو تبدیل کرے۔ اللہ تعالیٰ نے اس شخص پر لعنت کی ہے جو کسی نابینا کو راستے سے بھٹکا دے۔ اللہ تعالیٰ نے اس شخص پر لعنت کی ہے جو اپنے ماں باپ کو گالی دے۔ اللہ تعالیٰ نے اس شخص پر لعنت کی ہے جو اپنے آزاد کرنے والے آقا کی بجائے کسی اور کی طرف خود کو منسوب کرے۔ اللہ تعالیٰ نے اس شخص پر لعنت کی ہے جو قومِ لوط جیسا عمل کرے۔“ (راوی بیان کرتے ہیں) قومِ لوط کے عمل کے بارے میں آپ صلی اللہ علیہ وسلم نے تین مرتبہ یہ بات ارشاد فرمائی۔ عبدالملک نامی راوی ابوعامر عقدی ہے۔ [صحیح ابن حبان/كتاب الحدود/حدیث: 4417]