سیدنا عبداللہ بن عمر رضی اللہ عنہما بیان کرتے ہیں کہ نبی اکرم صلی اللہ علیہ وسلم نے تربیت یافتہ گھوڑوں کے درمیان «الْحَفْيَاءَ» ”حفیاء“ سے لے کر «ثَنِيَّةِ الْوَدَاعِ» ”ثنیۃ الوداع“ تک مقابلہ کروایا تھا، ان کی آخری حد «ثَنِيَّةِ الْوَدَاعِ» ”ثنیۃ الوداع“ تھی، اور نبی اکرم صلی اللہ علیہ وسلم نے غیر تربیت یافتہ گھوڑوں کے درمیان «الثَّنِيَّةِ» ”ثنیہ“ سے لے کر «مَسْجِدِ بَنِي زُرَيْقٍ» ”مسجد بنو زریق“ تک مقابلہ کروایا تھا۔ راوی بیان کرتے ہیں کہ سیدنا عبداللہ رضی اللہ عنہما بھی اس دوڑ میں حصہ لینے والوں میں شامل تھے۔ [صحیح ابن حبان/كتاب السير/حدیث: 4686]