سیدنا عبداللہ بن بریدہ رحمہ اللہ اپنے والد (سیدنا بریدہ رضی اللہ عنہ) کا یہ بیان نقل کرتے ہیں: ایک مرتبہ نبی اکرم صلی اللہ علیہ وسلم تشریف لے جا رہے تھے، گدھے پر سوار ایک شخص نے آپ صلی اللہ علیہ وسلم کی خدمت میں عرض کی: یا رسول اللہ صلی اللہ علیہ وسلم ! آپ سوار ہو جائیں اور وہ خود پیچھے ہٹ گیا، تو نبی اکرم صلی اللہ علیہ وسلم نے ارشاد فرمایا: ”جانور کا مالک آگے بیٹھنے کا زیادہ حقدار ہوتا ہے، اگر تو تم میرے لیے (آگے والا حصہ) دیتے ہو تو حکم مختلف ہے۔“ راوی کہتے ہیں: تو اس نے (آگے والا حصہ) آپ صلی اللہ علیہ وسلم کے لیے مخصوص کر دیا، تو نبی اکرم صلی اللہ علیہ وسلم اس پر سوار ہو گئے۔ [صحیح ابن حبان/كتاب السير/حدیث: 4735]