ابن ہانی بیان کرتے ہیں: جب سیدنا ہانی رضی اللہ عنہ اپنی قوم کے ہمراہ وفد کی شکل میں نبی اکرم صلی اللہ علیہ وسلم کی خدمت میں حاضر ہوئے، تو نبی اکرم صلی اللہ علیہ وسلم نے ان کے قوم کے افراد کو سنا کہ وہ سیدنا ہانی رضی اللہ عنہ کو ابوالحکم کی کنیت کے ساتھ ہلا رہے ہیں، تو نبی اکرم صلی اللہ علیہ وسلم نے انہیں بلایا اور ارشاد فرمایا: بیشکاللہ تعالیٰ ہی ”حکم“ ہے اور ”حکم“ اسی کی طرف لوٹتا ہے، تو پھر تمہاری کنیت ”ابوالحکم“ کیوں ہے؟ سیدنا ہانی رضی اللہ عنہ نے عرض کی: جب میری قوم کے افراد کسی چیز کے بارے میں اختلاف کرتے ہیں، تو وہ میرے حکم (ثالث) ہونے سے راضی ہوتے ہیں، تو میں ان کے درمیان فیصلہ کر دیتا ہوں۔ نبی اکرم صلی اللہ علیہ وسلم نے فرمایا: یہ، تو اچھی بات ہے اور یہ جو بچے ہیں شریح، عبداللہ اور مسلم نبی اکرم صلی اللہ علیہ وسلم نے دریافت کیا: ان میں کون بڑا ہے؟ انہوں نے عرض کی: شریح، نبی اکرم صلی اللہ علیہ وسلم نے فرمایا: تم ابوشریح ہو، پھر نبی اکرم صلی اللہ علیہ وسلم نے انہیں اور ان کے بچوں کو بلایا جب ان کی قوم کے افراد اپنے علاقے میں واپس جانے لگے، تو نبی اکرم صلی اللہ علیہ وسلم نے ان میں سے ہر ایک شخص کو وہ زمین عطا کی جو اسے اپنے علاقے میں پسند ہو، تو سیدنا ابوشریح نے عرض کی: یا رسول اللہ! آپ مجھے ایسی چیز کے بارے میں بتائیے جو میرے لئے جنت کو واجب کر دے۔ نبی اکرم صلی اللہ علیہ وسلم نے فرمایا: پاکیزہ کلام کرنا سلام کو عام کرنا اور کھانا کھلانا۔ [صحیح ابن حبان/كتاب البر والإحسان/حدیث: 504]